Sumri fagnað í fjölskylduguðsþjónustu á Ólafsvöllum

Á sumardaginn fyrsta, 21. apríl nk., verður fjölskylduguðsþjónusta í Ólafsvallakirkju kl. 11.  Börn úr Þjórsárskóla syngja undir stjórn Helgu Kolbeinsdóttur.  Biblíusaga, almennur söngur og gleði.  Allir hjartanlega velkomnir.  Sjáumst á Ólafsvöllum og fögnum sumarkomu!

Upptökur fyrir útvarpsmessur sem fluttar verða í sumar

Um næstu helgi, 16. og 17. apríl, fara fram í Skálholtskirkju upptökur á útvarpsmessum þar sem flytjendur eru kórar, organistar og prestar af Suðurlandi.  Kirkjukór Hruna- og Hrepphólasóknar syngur sína messu kl. 16 laugardaginn 16. apríl en þeirri messu verður síðan útvarpað á Rás 1 sunnudaginn 7. ágúst kl. 11.  Kirkjukór Stóra-Núps- og Ólafsvallasókna syngur sína messu kl. 13 laugardaginn 17. apríl og verður þeirri messu útvarpað á Rás 1 sunnudaginn 26. júní kl. 11.  Allir eru velkomnir að vera viðstaddir upptökurnar í Skálholti og þar með þátttakendur í messunum og svo gildir auðvitað að vera með útvarpið rétt stillt þegar þar að kemur!

Aðalsafnaðarfundir framundan

Aðalsafnaðarfundir sókna prestakallsins eru framundan er þar er farið yfir starfsemi síðasta árs, helstu framkvæmdir og reikninga.  Einnig eru teknar umræður og ákvarðanir um starf og helstu framkvæmdir á komandi ári.  Öll þau sem láta sig málefni kirkjunnar varða eru hvött til að mæta.  Fundirnir eru sem hér segir:

Aðalsafnaðarfundur Stóra-Núpssóknar mánudaginn 18. apríl kl. 20:30 í Árnesi.

Aðalsafnaðarfundur Hrunasóknar mánudaginn 25. apríl kl. 20 í safnaðarheimilinu í Hruna.

Aðalsafnaðarfundur Ólafsvallasóknar þriðjudaginn 26. apríl kl. 20:30 í Ólafsvallakirkju.

Framundan: Sunnudagaskólahátíð í Skálholti og Valdimarsmessa í Hrepphólum

Laugardaginn 9. apríl nk. kl. 11 verður sunnudagaskólahátíð í Skálholtskirkjur.  Um er að ræða samstarf Hruna- og Skálholtsprestakalla.  Samvera fyrir alla fjölskylduna.  Sunnudaginn 10. apríl verður messa í Hrepphólakirkju kl. 14.  Þar mun Kirkjukór Stóra-Núps- og Ólafsvallasókna leiða sálmasöng undir stjórn Þorbjargar Jóhannsdóttur.  Kórinn mun flytja sálma af nýútkomnum hljómdiski með sálmum sr. Valdimars Briem.  Sálmaskáldsins verður þannig minnst bæði í tali og tónum í messunni.  Messukaffi á eftir í safnaðarheimilinu.  Allir velkomnir!

Messa unga fólksins…

http://mail.hruni.is/webmail/api/download/attachment/bd41638f-b1b2-4c13-8d8e-1618a3ba4c66/3858/0-1/20160312_123555_HDR.jpg?version=22448&sid=522e7fd4ba85ab884d46748d5c0ff6dcd0c8cffb89d476421be07e1fd420c785&mode=view

Þetta eru flottu krakkarnir úr 10. bekk sem stóðu fyrir eftirminnilegri messu 13. mars sl.

Helgihald um páska 2016 í Hrunaprestakalli

Hrepphólakirkja:  Passíusálmalestur á föstudaginn langa 25. mars frá kl. 13.  Fjöldi lesara á öllum aldri úr prestakallinu kemur að lestrinum.  Lesið verður úr píslarsögu guðspjallanna á milli sálmalesturs.  Kaffi og með því í safnaðarheimilinu á meðan á lestri stendur.  Áætlað er að lestri ljúki upp úr kl. 17.  Allir velkomnir. Sóknarprestur

Hrunakirkja:  Hátíðarmessa á páskadag 27. mars kl. 8.  Kirkjukór Hruna- og Hrepphólasókna syngur.  Organisti Stefán Þorleifsson.  Morgunkaffi í boði sóknarnefndar í safnaðarheimilinu á eftir.  Allir velkomnir. Sóknarprestur

Ólafsvallakirkja:  Hátíðarmessa á páskadag 27. mars kl. 11.  Kirkjukór Ólafsvallasóknar syngur.  Organisti Þorbjörg Jóhannsdóttir.  Allir velkomnir.  Sóknarprestur

Stóra-Núpskirkja:  Hátíðarmessa og ferming á annan í páskum 28. mars kl. 11.  Fermdar verða  Edda Guðrún Arnórsdóttir, Þrándarholti; Sigurlinn María Sigurðardóttir, Skarði; Valgerður Einarsdóttir, Hæli.  Kirkjukór Stóra-Núpssóknar syngur.  Organisti Þorbjörg Jóhannsdóttir.  Allir velkomnir.  Sóknarprestur

TAKK!

Messa unga fólksins fór fram í gær, sunnudag, í Hrunakirkju.  Tíundu bekkingar í Flúðaskóla slógu þar gjörsamlega í gegn.  Tónlistin var vel flutt og söngurinn sömuleiðis, ræður vekjandi og áhugaverðar, stuttmyndin frumleg og fyndin.  Bænir, óskir og draumar sem unga fólkið fól í mislitar blöðrur sem síðan var sleppt upp í háloftin að messu lokinni voru einlægar og fallegar.  Í stuttu máli sagt var hvergi veikan hlekk að finna í messunni og framkoma unglinganna var svo ótrúlega afslöppuð og þægileg.  Ástæða er til að færa öllum þeim sem komu að messunni kærar þakkir og umsjónarkennara þeirra líka, henni Báru Sævaldsdóttur, fyrir að hafa dregið vagninn, hvatt áfram og stutt.  Takk fyrir frábæra morgunstund í Hrunakirkju.

13. mars: Messa unga fólksins í Hruna kl. 11

Sunnudaginn 13. mars nk. kl. 11 verður messa unga fólksins í Hrunakirkju.  Þá munu nemendur úr 10. bekk Flúðaskóla bera uppi messugjörðina í tali og tónum.  Frumsýnd verður stuttmynd út frá sögunni af miskunnsama Samverjanum, hljómsveit leikur undir sönginn.  Draumar, óskir, bænir og framtíðarpælingar ungs fólks í forgrunni.  Allir velkomnir!

29. febrúar: Fermingarfræðslutími fellur niður

Fermingarfræðslutími mánudaginn 29. febrúar fellur niður vegna vetrarfrís í skólanum.  Fermingarferðalag er síðan á dagskrá mánudaginn 7. mars.

Kvöldmessa með léttri tónlist á Ólafsvöllum 21. febrúar

Sunnudagskvöldið 21. febrúar verður kvöldmessa kl. 20:30 með léttri tónlist.  Kirkjukór Hruna- og Hrepphólasókna leiðir sönginn undir stjórn Stefáns Þorleifssonar organista.  Í kvöldmessunni er áhersla lögð á létta og notalega stemningu og hefðbundið messuform er aðeins brotið upp.  Allir velkomnir!