Óskar Hafsteinn Óskarsson

This user hasn't shared any biographical information


Posts by Óskar Hafsteinn Óskarsson

Aðalsafnaðarfundir framundan

Framundan eru aðalsafnaðarfundir sókna í prestakallinu.  Þar verða reikningar viðkomandi sóknar og kirkjugarðs kynntir og bornir undir atkvæði.  Sömuleiðis er rætt um starfsemi síðasta árs og horft til starfs og framkvæmda á næsta ári.  Dagskrá aðalsafnaðarfundar (kosningar, reikningar, skýrslur, önnur mál) er að öðru leyti í samræmi við starfsreglur kirkjunnar um sóknarnefndir.

Aðalsafnaðarfundur Ólafsvallasóknar verður í bókasafninu í Brautarholti þriðjudaginn 24. apríl kl. 20.

Aðalsafnaðarfundur Stóra-Núpssóknar verður í Árnesi fimmtudaginn 26. apríl kl. 20.

Aðalsafnaðarfundur Hrunasóknar verður í safnaðarheimilinu í Hruna sunnudaginn 29. apríl kl. 20:30.

Aðalsafnaðarfundur Hrepphólasóknar verður í safnaðarheimilinu í Hrepphólum mánudaginn 7. maí kl. 20.

 

Sóknarfólk er eindregið hvatt til að mæta á fundina en þangað eru auðvitað allir velkomnir.

Sóknarnefndir og sóknarprestur

Páskar 2018: Fermingar, Passíusálmalestur og hátíðarmessur

Hrepphólakirkja:  Passíusálmalestur frá kl. 13-17 á föstudaginn langa 30. mars.  Fjöldi lesara úr prestakallinu kemur að lestrinum.  Veitingar í safnaðarheimili á meðan á lestri stendur.  Allir velkomnir.  Páskadagur – 1. apríl:  Hátíðarmessa kl. 11.  Allir velkomnir.

Hrunakirkja:  Hátíðarmessa á páskadag 1. apríl kl. 8.  Morgunverður í boði sóknarnefndar í safnaðarheimili á eftir.  Allir velkomnir.
Stóra-Núpskirkja:  Hátíðarmessa á páskadag 1. apríl kl. 14.  Allir velkomnir.
Ólafsvallakirkja:  Fermingarmessa á skírdag 29. mars kl. 11.  Fermd verða:
Elín Ásta Ásmundsdóttir, Norðurgarði, 801 Selfossi
Lára Bjarnadóttir, Blesastöðum 2, 801 Selfossi
Valdimar Örn Ingvarsson, Fjalli 1, 801 Selfossi
Sjáumst í kirkju um páskana – gleðilega hátíð!

18. mars: Tímamótamessa á Stóra-Núpi og fjölskylduguðsþjónusta í Hruna

Sunnudaginn 18. mars verður þeim tímamótum fagnað að nú er lokið viðamiklum framkvæmdum og endurbótum innan dyra í Stóra-Núpskirkju.  Hátíðarmessa verður kl. 14 í kirkjunni þar sem kór og organisti annast undirspil og söng.  Kirkjan verður opin til skoðunar frá kl. 13.  Sóknarnefnd býður síðan til messukaffis í Árnesi að messu lokinni.  Fyrr um daginn eða kl. 11 verður síðan fjölskylduguðsþjónusta í Hrunakirkju.  Þar mun Barnakór Flúðaskóla syngja undir stjórn Önnu Þórnýjar Sigfúsdóttur og svo kirkjukórinn undir stjórn Stefáns Þorleifssonar.  Biblíusaga og hreyfisöngvar á sínum stað.  Sjáumst í kirkju á sunnudaginn – allir velkomnir!

11. mars: Messuheimsókn frá Hvammstanga

Sunnudaginn 11. mars nk. kl. 11 verður messa í Hrepphólakirkju.  Sr. Magnús Magnússon, sóknarprestur á Hvammstanga, prédikar og þjónar fyrir altari ásamt sóknarpresti.  Kirkjukór Hvammstangakirkju og Kirkjukór Hruna- og Hrepphólasókna syngja við messuna undir stjórn organistanna.  Allir velkomnir!

Messa unga fólksins í Hruna 18. febrúar

Sunnudaginn 18. febrúar kl. 11 verður messa unga fólksins í Hrunakirkju.  Þar mun unga fólkið syngja, flytja ræður og bænir og túlka boðskapinn eftir sínum hætti.  Allir hjartanlega velkomnir!

Messu í Hrepphólakirkju aflýst

Vegna slæms veðurútlits er ákveðið að fresta messu sem vera átti í Hrepphólakirkju sunnudaginn 11. febrúar kl. 11.

11. febrúar: Guðsþjónustur á Ólafsvöllum og í Hrepphólum

Sunnudaginn 11. febrúar nk. verða tvær guðsþjónustur í prestakallinu.  Sú fyrri í Ólafsvallakirkju kl. 11 en sú síðari kl. 14. í Hrepphólakirkju.  Félagar úr kirkjukórunum syngja undir stjórn organistanna.  Sunnudagurinn er sunnudagur í föstuinngang og verður fastan í brennidepli í tali og tónum, m.a. sungnir sálmar sr. Hallgríms Péturssonar.  Sjáumst í kirkjunum – allir velkomnir!

Fjölskylduguðsþjónusta á Ólafsvöllum 21. janúar fellur niður

Fjölskylduguðsþjónusta sem vera átti í Ólafsvallakirkju sunnudaginn 21. janúar kl. 11 fellur niður vegna óviðráðanlegra orsaka.  Dægurlagamessa í Hrunakirkju verður á sínum stað kl. 20:30 um kvöldið.

21. janúar: Magga Eiríks lög í dægurlagamessu og fyrsta fjölskylduguðsþjónustan á árinu

Sunnudaginn 21. janúar verða tvær messur í prestakallinu.  Sú fyrri er fjölskylduguðsþjónusta í Ólafsvallakirkju kl. 11 en þar munu m.a. tónlistarskólanemendur stíga á stokk. Biblíusaga, afmælisbörn og mikill söngur.  Undirleikari er Magnea Gunnarsdóttir.  Um kvölið verður síðan dægurlagamessa kl. 20:30 í Hrunakirkju.  Þar mun kirkjukórinn syngja nokkrar af perlum Magnúsar Eiríkssonar, tónlistarmanns, undir stjórn Stefáns Þorleifssonar, organista.  Hefðbundið messuform er brotið upp, lestrar, bæn og hugvekja á milli laga.  Allir hjartanlega velkomnir!

Línur lagðar fyrir helgihaldið á nýju ári

Á fundi allra sóknarnefnda sem haldinn var í Árnesi mánudaginn 8. janúar 2018 var gengið endanlega frá dagskrá helgihaldsins frá janúar og fram í september.  Dagskrána má nálgast hér hægra megin á síðunni.  Næstu messur í prestakallinu verða sunnudaginn 21. janúar en þá verður fjölskylduguðsþjónusta í Ólafsvallakirkju kl. 11 og dægurlagamessa í Hrunakirkju kl. 20:30.