Óskar Hafsteinn Óskarsson

This user hasn't shared any biographical information


Posts by Óskar Hafsteinn Óskarsson

Alls konar messur framundan: Sjáumst í kirkju!

Framundan, næstu dagana, eru alls konar messur í prestakallinu þar sem fjölbreytileikinn ræður ríkjum:

10. febrúar:  Guðsþjónusta og skírn í Stóra-Núpskirkju kl. 11 og messa í Hrepphólakirkju kl. 14.  Dagur Fannar Magnússon, guðfræðinemi, prédikar í báðum messunum.

14. febrúar – fimmtudagur:  Hversdagsmessa í Hrunakirkju kl. 20:30.  Kirkjukórinn syngur lög Magnúsar Þórs Sigmundssonar við undirleik hljómsveitar hússins.  Stjórnandi tónlistar er Stefán Þorleifsson.

17. febrúar:  Messa unga fólksins í Hrunakirkju kl. 11.  Unglingarnir okkar annast messuna frá upphafi til enda í tali og tónum.

Sjáumst í kirkjunni – allir hjartanlega velkomnir!

 

10. febrúar: Dagur Fannar Magnússon guðfræðinemi prédikar í tveimur messum í prestakallinu

Sunnudaginn 10. febrúar nk. verða tvær messur í prestakallinu.  Sú fyrri verður í Stóra-Núpskirkju kl. 11 og sú síðari í Hrepphólakirkju kl. 14.  Kirkjukórarnir syngja við undirleik organistanna og í messunni á Stóra-Núpi verður barn borið til skírnar.  Dagur Fannar Magnússon, guðfræðinemi, prédikar í báðum messunum en hann er nú í starfsþjálfun hjá sóknarpresti.  Sjáumst í messu á sunnudaginn- allir velkomnir!

ATHUGIÐ: Dægurlagamessu 20. jan. í Hrunakirkju aflýst v. slæms veðurútlits

Dægurlagamessa sem vera átti í Hrunakirkju í kvöld 20. janúar kl. 20:30 er aflýst vegna slæms veðurútlits.  Veðurstofan hefur gefið út gula viðvörun fyrir Suðurland og spáð er hríð með kvöldinu.  Reynt verður að finna dægurlagamessunni stað í helgihaldinu á næstu vikum.

Dagskrá helgihaldsins 2019 komin í póst og hér á heimasíðuna

Þá ætti dagskrá helgihaldsins á vormisseri 2019 og fram á haust að vera komin í hús, eða í þann veginn að koma í hús, hjá öllum.  Auk þess má nálgast dagskrána hér að ofan undir ,,SAFNAÐARSTARF”.

20. janúar: Fjölskylduguðsþjónusta á Ólafsvöllum og dægurlagamessa í Hruna

Sunnudaginn 20. janúar nk. verða tvær messur í prestakallinu.  Sú fyrri er fjölskylduguðsþjónusta í Ólafsvallakirkju.  Þar munu nemendur úr Tónsmiðjunni syngja undir stjórn Stefáns Þorleifssonar.  Biblíusaga, hreyfisöngvar og gleði.  Um kvöldið verður síðan dægurlagamessa í Hrunakirkju kl. 20:30.  Kirkjukórinn mun þá syngja hugljúf lög eftir Magnús Þór Sigmundsson, hugvekjur, ritningarorð og bæn.  Notaleg kvöldsamvera.  Allir hjartanlega velkomnir.  Sjáumst í kirkju á sunnudaginn!

Helgihaldið í vetur, vor og sumar senn inn um lúgur

Dagskrá helgihaldsins í vetur, vor og sumar í Hrunaprestakalli verður dreift inn á öll heimili í prestakallinu í næstu viku.  Sem fyrr er þess vænst að dagskráin fái sitt örugga pláss á heimilinu.  Næstu messur eru sunnudaginn 20. janúar nk.; fjölskylduguðsþjónusta í Ólafsvallakirkju kl. 11 og dægurlagamessa í Hrunakirkju kl. 20:30.  Nánar um þær síðar.

Messur á gamlársdag og nýársmessa

Minnt er á tvær messur á gamlársdag, klukkan 14 í Tungufellskirkju og klukkan 16 í Stóra-Núpskirkju.  Notaleg stund við áramót þar sem m.a. verður sunginn hinn dásamlegi sálmur ,,Nú árið er liðið”.  Allir hjartanlega velkomnir.  Nýársmessa verður svo í Hrepphólakirkju sunnudaginn 6. janúar kl. 11.  Sóknarprestur þjónar fyrir altari en vígslubiskupinn í Skálholti, sr. Kristján Björnsson, prédikar.  Þjóðlegur hádegisverður á eftir í safnaðarheimilinu í umsjá karlanna í kirkjukórnum.  Ekki missa af þessu – allir velkomnir!

Helgihald um jól og áramót

Aðfangadagur – 24. desember:  Guðsþjónusta á jólanótt í Hrunakirkju kl. 23.

Helgistund í Stóra-Núpskirkju kl. 23:30 í umsjá sr. Axels Njarðvík.

 

Jóladagur – 25. desember:  Hátíðarmessur.  Í Stóra-Núpskirkju kl. 11 og í Hrepphólakirkju kl. 14.  Ljósaguðsþjónusta á jóladagskvöld í Ólafsvallakirkju kl.. 22.

 

Gamlársdagur – 31. desember:  Guðsþjónusta í Tungufellskirkju kl. 14 og aftansöngur í Stóra-Núpskirkju kl. 16.

 

Þrettándinn – 6. janúar:  Nýársmessa í Hrepphólakirkju kl. 11.  Vígslubiskupinn í Skálholti prédikar.  Þjóðlegur hádegisverður á eftir.

 

Sjáumst í kirkju um hátíðarnar – gleðileg jól!

 

 

1.-2. desember: Kveikt á ljósum í kirkjugörðum og aðventuhátíðir

Laugardaginn 1. desember nk. verða helgistundir í Hrunakirkju (kl. 14) og í Hrepphólakirkju (kl. 15) í tengslum við ljóstendrun á leiðum í kirkjugarði.  Kaffisopi á eftir í safnaðarheimilum.  Allir hjartanlega velkomnir.  Á fyrsta sunnudegi í aðventu, 2. desember, verður síðan árleg aðventuhátíð í Árnesi.  Börn úr Þjórsárskóla syngja og leika, fermingarbörn sýna helgileik, söngsveitin Tvennir tímar syngur nokkur lög.  Ræðumaður verður Ólína Kjerúlf Þorvarðardóttir, þjóðfræðingur.  Kaffiveitingar á eftir.  Um kvöldið sama dag verður aðventukvöld í Hrunakirkju þar sem kirkjukórinn syngur nokkur lög, fermingarbörn flytja helgileik, flutt verður jólasaga.  Ræðumaður þar verður Guðmundur Óli Gunnarsson, stjórnandi Karlakórs Hreppamanna.  Kaffi á eftir í safnaðarheimili.  Sjáumst á aðventusamkomum – allir hjartanlega velkomnir.

18. nóvember: Messa kl. 11 og guðsþjónusta kl. 14

Sunnudaginn 18. nóvember verður messa í Stóra-Núpskirkju kl. 11.  Sungnir verða sálmar sr. Matthíasar Jochumssonar.  Kirkjukórinn syngur undir stjórn Þorbjargar Jóhannsdóttur organista.  Eftir hádegið, kl. 14, verður síðan guðsþjónusta í Hrepphólakirkju.  Kirkjukórinn leiðir söng undir stjórn Stefáns Þorleifssonar organista.  Molasopi á eftir í safnaðarheimili.  Allir velkomnir – sjáumst í kirkjunni!