Hestamannamessa framundan í Hrepphólakirkju
Aug 11th
Sunnudaginn 18. ágúst nk. kl. 14 verður árleg hestamannamessa haldin í Hrepphólakirkju. Hópreið leggur af stað frá Hruna kl. 11 með viðkomu í Hlíð í Gnúpverjahreppi upp úr kl. 12. Önnur hópreið, sérsniðinn fyrir Skeiðamenn, leggur af stað frá Álfsstaðavegamótum kl. 13. Stefán Þorleifsson organisti verður forsöngvari í messunni og að henni lokinni verður boðið upp á kaffiveitingar. Allir hjartanlega velkomnir!
Síðsumarsmessa í Tungufellskirkju 11. ágúst
Aug 5th
Árleg síðsumarsmessa í Tungufellskirkju verður sunnudaginn 11. ágúst kl. 14. Almennur safnaðarsöngur. Forsöngvari er Stefán Þorleifsson og meðhjálpari er Elín Jóna Traustadóttir. Allir hjartanlega velkomnir.
Messuhlé og sumarleyfi
Jun 24th
Messuhlé verður í Hrunaprestakalli í júlí og er bent á vikulegar messur á sunnudögum í Skálholtsdómkirkju. Sóknarprestur verður í sumarleyfi 3. júlí til 5. ágúst og mun starfandi prestur í Skálholti leysa af á meðan. Neyðarsími presta í Árnessýslu er sem fyrr tengdur Heilbrigðisstofnun Suðurlands á Selfossi og lögreglu. Fyrstu messur eftir sumarleyfi eru síðsumarsmessa í Tungufellskirkju sunnudaginn 11. ágúst kl. 14 og svo hestamannamessan 18. ágúst sem í ár verður í Hrepphólakirkju kl. 14. Hópreið leggur af stað frá Hruna kl. 11 með viðkomu í Hlíð.
23. júní: Útiguðsþjónusta í Steinsholti og helgistund í Hruna
Jun 17th
Sunnudaginn 23. júní nk. kl. 11 verður útiguðsþjónusta í Steinsholti við leiði Daða Halldórssonar. Félagar úr kirkjukórnum leiða sönginn. Ljúf samvera úti í guðs grænni náttúrunni. Um kvöldið kl. 20:30 verður síðan helgistund í Hrunakirkju. Almennur söngur, ritningarorð, hugvekja og bæn. Þetta eru síðustu guðsþjónusturnar fyrir sumarleyfi – þær næstu verða síðan í ágúst, 11. og 18. nánar tiltekið. Sjáumst í kirkju á sunnudaginn!
Fermingar um hvítasunnu
Jun 3rd
9. júní – hvítasunnudagur: Hátíðarmessa og ferming í Stóra-Núpskirkju kl. 11. Fermd verða frændsystkinin frá Hæli, þau Bryndís Einarsdóttir og Eiríkur Logi Gunnarsson.
Ferming í Hrunakirkju kl. 13.30. Fermd verða:
Anna María Magnúsdóttir Balusanu, Högnastíg 4 Flúðum
Birgir Valur Thorsteinson, Garðastíg 7 Flúðum
Eyrún Hjálmarsdóttir, Austurhofi 5 Flúðum
Matthildur Sif Pálsdóttir, Árbæ
Óðinn Freyr Árnason, Vesturbrún 6 Flúðum
Patrik Gústafsson, Syðra-Seli 3
Sveinn Jökull Sveinsson, Hrafnkelsstöðum 2
Uppstigningardagur – 30. maí: Ferming á Ólafsvöllum kl. 11 (áður auglýst messa í Skálholti fellur niður)
May 28th
Á uppstigningardag verður fermingarmessa í Ólafsvallakirkju kl. 11. Fermdar verða tvær stúlkur, Rebekka Georgsdóttir og Guðrún Hulda Hauksdóttir. Kirkjukórinn syngur undir stjórn Þorbjargar Jóhannsdóttur organista. Áður auglýst messa í Skálholti þennan dag kl. 14 fellur hins vegar niður.
Breytingar í sóknarnefndum í Hrunaprestakalli
May 25th
Á nýafstöðnum aðalsafnaðarfundum sókna í Hrunaprestakalli urðu lítilsháttar breytingar á skipan sóknarnefndarfólks. Guðjón Vigfússon lét af störfum eftir langt og farsælt starf sem formaður sóknarnefndar Ólafsvallasóknar en við formennskunni tók Jóhanna Valgeirsdóttir. Harpa Dís Harðardóttir kemur ný inn í sóknarnefnd Ólafsvallasóknar og er ritari. Að auki er í nefndinni Ásmundur Lárusson gjaldkeri. Þá er Árdís Jónsdóttir ritari sóknarnefndar Stóra-Núpssóknar og starfar við hlið Kristjönu H. Gestsdóttur formanns og Ámunda Kristjánssonar gjaldkera. Sóknarnefnd Hrepphólasóknar er óbreytt: Magnús H. Sigurðsson, formaður, Arnfríður Jóhannsdóttir gjaldkeri og Jóna Heiðdís Guðmundsdóttir ritari. Guðjón Bjarnar Gunnarsson kemur nýr inn í sóknarnefnd Hrunasóknar við hlið Mörtu E. Hjaltadóttur formanns, Jóhönnu B. Ingólfsdóttur gjaldkera, Jóhanns Marelssonar ritara og Lilju Helgadóttur sóknarnefndarfullrúa.
Aðalsafnaðarfundur Ólafsvallasóknar 21. maí
May 3rd
Aðalsafnaðarfundur Ólafsvallasóknar verður haldinn í Bókasafninu í Brautarholti þriðjudaginn 21. maí nk. kl. 20. Venjuleg aðalfundarstörf. Ma þarf að kjósa um tvo aðalmenn í sóknarnefnd og tvo til vara. Þá þarf að taka afstöðu til umfangsmikilla viðhaldsframkvæmda á kirkjunni. Sóknarfólk hvatt til að mæta.
Sóknarnefnd Ólafsvallasóknar
Tvennir tímar í messu á Stóra-Núpi 5. maí
Apr 28th
Sunnudaginn 5. maí nk. mun söngsveitin Tvennir tímar syngja við guðsþjónustu í Stóra-Núpskirkju kl. 11. Tvenna tíma skipa eldri borgarar úr sveitunum okkar en stjórnandi kórsins er Stefán Þorleifsson. Allir eru hjartanlega velkomnir!
Helgihald um páska og í sumarbyrjun
Apr 11th
Framundan eru fjölbreyttir viðburðir í kirkjunum okkar. Komum saman og njótum – allir velkomnir!
14. apríl – pálmasunnudagur: Ferming í Stóra-Núpskirkju kl. 11.
18. apríl – skírdagur: Ferming í Hrepphólakirkju kl. 13.
19. apríl – föstudagurinn langi: Passíusálmalestur í Hrepphólakirkju frá kl. 13-17:30. Yfir fimmtíu lesarar koma að lestrinum. Kaffiveitingar í safnaðarheimili á meðan á lestri stendur.
21. apríl – páskadagur: Hátíðarmessa í Hrunakirkju kl. 8. Morgunverður í boði sóknarnefndar í safnaðarheimili á eftir. Hátíðarmessa í Stóra-Núpskirkju kl. 11.
25. apríl – sumardagurinn fyrsti: Fjölskylduguðsþjónusta í Ólafsvallakirkju kl. 11.
Gleðilega páska og gleðilegt sumar!